უფასო ფოტოების საიტები

უფასო ფოტოების წყაროს ეძებთ? თუ გიფიქრიათ იმაზე  რამდენ ძალისხმევას დაზოგავდით უფასო ფოტოების წყაროსთვის რომ მიგეგნოთ? არა და ფოტოები ყველაფრისთვის გჭირდებათ -  საიტისთვის, სოციალური მედია მარკეტინგისთვის, ბრენდინგისთვის, გაყიდვების ზრდისთვის. ეს ყველასთვის ნაცნობი ტკივილია თან მაშინ როცა შეზღუდული ხართ ფინანსებში. 

ვებში ბევრი ძალიან კარგი უფასო რესურსია საიდანაც შეგიძლიათ ჩამოწეროთ მაღალი ხარისხის ფოტოები  თქვენი ბიზნესისთვის, მთავარია მათ შესახებ იცოდეთ. ამიტომ ამ სტატიაში ჩვენ ვისაუბრებთ 10 ყველაზე ცნობილ და საჭირო ვებსაიტზე საიდანაც შეძლებთ საჭირო ფოტოების ჩამოტვირთვას უფასოდ.

დასაწყისისთვის გავერკვეთ ფოტოების ლიცენზიების ტიპებში:

• Royalty free  ნიშნავს რომ ყველანაირი ფასის გარეშე შეგიძლია გამოიყენო ფოტო რომელზე ლიცენზიაც ასევე უფასოა. ფლობ ფოტოს, ეი ფლობთ  მასზე ლიცენზიასაც. 
  
  
• Creative Commons license  ეს გაძლევთ საშუალებას გააზიაროთ თქვენი ფოტო და გამოიყენოთ საკუთარი მიზნებისა და  სურვილისამებრ. 
  
  
• Attribution ამ შემთხვევაში ფოტოს ჩამოტვირთისას თქვენ იღებთ ვალდებულებას რომ მისი გამოყენების შემთხვევაში მიუთითოთ ფოტოს ავტორის ვინაობა.
  
  
• Commercial use  რიგ სიტუაციებში კომერციული გამოყენებისთვის და ფინანსური სარგებლის მისაღებად თქვენ დაგჭირდეთ ნებართვაც. გააჩნია სიტუაციას.  
  
  
• Membership ნიშნავს რომ ზოგიერთი საიტი ფოტოს ჩამოსატვირთად გთხოვთ რეგისტრაციის გავლას და თქვენი ექაუნთით ამ ფოტოების ჩამოწერას, რიგ შემთხვევებში ამისთვის თანხასაც ითხოვენ ან შეიძლება იგი მოიცავდეს ფიქსირებული რაოდენობის საწევროს თვიურად.

გაითვალისწინეთ რომ შეიძლება ლიცენზიის პირობები შეიცვალოს კონკრეტულ საიტებზე. იმისთვის რომ უხერხულ და წამგებიან სიტუაციაში არ ამოყოთ თავი, კარგი იქნება თუ უფასო ფოტოების ლიცენზიას ორჯერ გადაამოწმებთ (ჩამოტვირთვისას და მათი ატვირთვის წინ)! 

მაშ ასე, 15 ვებ რესურსი საიდანაც შეძლებთ ჩამოწეროთ მაღალი ხარისხის ფოტოები უფასოდ:

1. Unsplash - უფასო ფოტოების  ყველაზე დიდი რესურსი

Unsplash -ზე მთელი მსოფლიოს ფოტოგრაფები ყოველდღიურად  უსაზღვროდ დიდი რაოდენობის ფოტოებს ტვირთავენ თან ნებისმიერი გამოყენებისთვის რომელთა ჩამოტვირთვასაც თქვენ უფასოდ შეძლებთ. მილიონობით ფოტო თქვენ განკარგულებაშია ამიტომ შექმენით ექაუნთი და ისარგებლეთ ამ დიდი რესურსით.

2. Shutterstock 

Shutterstock  ერთ-ერთი წამყვანი ლიცენზირებული ფოტოების, ვექტორული სურათების, ილუსტრაციებისა და ვიდეო კლიპების ონლაინ საცავია საიდანაც 300 მილიონზე მეტი მაღალი ხარისხის უფასო ფოტოს ჩამოტვირთვა შეგიძლიათ. 

აქვე შეძლებთ სასურველი ფოტოების შეძენასაც თუ თქვენთვის სასურველი ფოტო უფასოდ ვერ იპოვეთ ამ 300 მილიონში. 

3. Pexels

Pexels  ეს არის ლიცენზირებული ფოტოებისა და ვიდეოების უდიდესი საცავი საიდანაც თქვენ შეძლებთ ჩამოწეროთ, დააკოპიროთ შეცვალოთ და გამოიყენოთ თქვენი საჭიროებისამებრ ყველა ის ფაილი რომელსაც ჩამოტვირთავთ. ყველა ფოტო არის კარგად ტეგირებული და მარტივად ძებნადი. 

4. picjumbo 

Picjumbo  2013 წელს შეიქმნა დიზაინერისა და ფოტოგრაფის ვიქტორ ჰანასეკის მიერ რომელმაც ეს თავისი საიტი მას შემდეგ გააკეთა რაც სხვა კომპანიებმა მისი ნამუშევრები ''დაბალი ხარისხის '' გამო დაიწუნეს. დღეს ამ პორტალიდან თქვენ შეძლებთ  ჩამოწეროთ ათასობით მაღალი ხარისხს ფოტო, ასევე  თქვენ აქ გელით სოციალური მედიისთვის საჭირო სურათების ელემენტების დიდი და უფასო არჩევანი.

5. ISO Republic

ISO Republic  -ზე თქვენ იპოვით 6 000 ზე მეტი რაოდენობის კრეატიულ ფოტო ნამუშევარს რომელთა ჩამოტვირთვა და გამოყენება კომერციული მიზნებისთვისაც უფასოა.

6. Freepik

Freepik -ზე თქვენ შეძლებთ იპოვოთ პროფესიონალური მაღალი ხარისხის ფოტოები, ვექტორული სურათები თუ ილუსტრაციები რომელთა ჩამოტვირთვასაც სრულიად უფასოდ შეძლებთ. ამ გამოსახულებების გამოყენების შემთხვევაში თქვენ მხოლოდ ავტორის მითითების ვალდებულებას იღებთ. 

7. FreeImages - უფასო ფოტოების მრავალფეროვანი არჩევანი

FreeImages  გაძლევთ  380,000-ზე მეტი უფასო ფოტოს გადმოწერისა და გაზიარების საშუალებას. აქ თქვენ იპოვით ფოტო-სურათებს სოციალურ მედიაში გამოყენებისთვის, რეკლამებისთვის, და თან იმ ხარისხში რომელთა დაბეჭდვასაც შეძლებთ, ასევე ნამუშევრების გამოყენებას შეძლებთ საიტებისთვის და იმ პროექტებისთვის რომლებზეც ახლა მუშაობთ. მოდა, ფიტნესი, ბიზნესი, ოჯახი, მოგზაურობა ეს იმ თემების მოკლე ჩამონათვალია რომელზეც შეგიძლიათ იპოვოთ მაღალი ხარისხის უფასო ფოტოები და ჩამოწეროთ ისინი.

8. Gratisography

Gratisography  ეს საიტი ფოტოგრაფ რაიენ მაკგრუირის საკუთრებაშია რომელიც საშუალებას გვაძლევს გამოვიყენოთ და თან სრულიად უფასოდ  მის მიერ შექმნილი იუმორისტული და უცნაური ფოტო ნამუშევრები როგორც კომერციული ისე ნებისმიერი გამოყენებისთვის. 

9. New Old Stock

 New Old Stock  ეს იმ შემთხვევისთვის თუ უფასო ვინტაჟურ ფოტოებს ეძებთ თქვენი საჭიროებებისთვის. აქ თქვენ იპოვთ მეოცე საუკუნის სხვა და სხვა მნიშვნელოვანი პერიოდების ფოტო მასალებს რომელთა ჩამოტვირთვასაც უფასოდ შეძლებთ.

10. Freerange

Freerange ეს არის უფასო ფოტოების ბიბლიოთეკა რომელთა ჩამოწერასაც  მარტივად შეძლებთ. აქ იპოვით უამრავი თემატიკის ფოტო ალბომებს რომლებიც ყოველდღიურად ახლდებიან. 

11. Foodiesfeed

Foodiesfeed   ეს არის საუკეთესო ფუდ ფოტოგრაფიის ონლაინ საცავი ვებში სადაც იპოვით 1700 ზე მეტ ფოტოს ტეგებისა და მარტივად ძებნადი სათაურების წყალობით, ფოტოების გამოყენებას კომერციული მიზნებისთვის თავისუფლად შეძლებთ. 

12. Pikwizard

Pikwizard  აბსოლუტურად უფასო საიტია რომელზეც შეგიძლიათ იპოვოთ მილიონობით უფასო ლიცენზიანი ფოტოები ფაქტობრივად ყველა საჭიროებისთვის. 

13. Reshot

Reshot  ამ საიტის გამოყენება ძალიან დიდ თავის ტკივილს აგარიდებთ - შეძლებთ უდიდესი ფოტო არქივის გამოყენებას სრულიად უფასოდ SVG, PNG  ფორმატებშიც კი. ანუ ფოტოს უკვე იმ ფორმატში ჩამოწერთ რა ფორმატშც გსურთ მისი გამოყენება.

14. Freestocks.org

 freestocks.org  -ზე შეიძლება არ დაგხვდეთ იმ რაოდენობის მრავალფეროვანი არჩევანი რაც სხვა საიტებზე მაგრამ თქვენ აქ იპოვით რუდუნებით შერჩეულ მაღალი ხარისხის ფოტოებს რომელთა მოწოდებაზეც სამმა პროფესიონალმა ფოტოგრაფმა იზრუნა, რაც მთავარია მათი ჩამოტვირთვა და გამოყენება უფასოა. 

15. Startup Stock Photos

Startup Stock Photos  ეს  ფოტოების საიტია რომელიც გთავაზობთ სხვა და სხვა  ბიზნესსაჭიროებებისთვის განკუთვნილ ფოტო-სურათების ჩამოტვირთვას და თანაც სრულიად უფასოდ. ვებსაიტზე მარტივად შეძლებთ ფოტოების მოძებნას, რაც განსაკუთრებით წაადგებათ ბიზნესისა და ტექნოლოგიების სფეროში დამწყებ სტარტაფებს.

თუ ფინანსებში შეზღუდული ხართ და გსურთ საიტის დამზადება უფასოდ, იხილეთ სტატია საიტების უფასოდ დამზადებასთან დაკავშირებით.

ვის არ აწუხებს რეკლამები სოციალურ ქსელებში? რეკლამას სიამოვნებით ალბათ მხოლოდ მათი შემქმნელები უცქერენ, იშვიათად მაგრამ მაინც მომხმარებლებიც მაგრამ გამონაკლის შემთხვევებში. ამიტომ თუ არა არ ვიცით, მაგრამ როგორც ჩანს, META-მ გადაწყვიტა რომ არჩევანის შესაძლებლობა მოგვცეს, ვიხილოთ თუ არა ისინი ჩვენ ფიდში.

2022 წლის 30 ოქტომბერს, Meta- მ  გაავრცელა პრეს რელიზი რომლის მიხედვითაც ირკვევა რომ ნოემბრიდან იგეგმება   Ads Free (რეკლამის გარეშე) ფასიანი სერვისის ჩართვის შესაძლებლობა მომხმარებელთათვის, თუმცა ამ ეტაპისთვის მხოლოდ  ევროკავშირის ტერიტორიაზე.  

ფასები : €9.99/ თვეში ბრაუზერის ვერსიაში META პროდუქტების გამოყენებისას,  ხოლო  €12.99/თვეში   iOS -ზე და Android-ზე. მულტი ექაუნთით სარგებლობის შემთხვევაში კი 2024 წლის  1-ლი მარტიდან მოგიწევთ სათითაოდ ყველა ექაუნთზე €6 - €8 გადახდა.

ამ სიახლემ ბევრი შერეული რეაქცია გამოიწვია ვების მომხმარებლებში. ერთი ნაწილის აზრით, ფასიანი სერვისით რომლითაც შეძლებული მომხმარებლები ისარგებლებენ ხდება სეგრეგაცია მდიდრებისა ღარიბებისგან. ის ადამიანები, რომლებიც საკუთარ თავს ვერ მისცემენ ფასიანი სერვისით სარგებლობის უფლებას, დარჩებიან რეკლამის სამყაროს გავლენების ქვეშ, ხოლო შეძლებული ადამიანები აირიდებენ დისკომფორტს და ისარგებლებენ თავიანთი მდგომარეობით ისე როგორც ყოველთვის და ყველგან.

ამ სიახლის გაგების მერე ჩნდება ლოგიკური კითხვა - გააიაფებს თუ არა META-ზე,  Ads-free სერვისი რეკლამის ფასს ბიზნესისთვის?

ეს დამოკიდებულია ბევრ ფაქტორზე რომელთა პროგნოზირებაც შეუძლებელია. მაგ, ჯერ გასარკვევია რამდენად პოპულარული გახდება ეს სერვისი მომხმარებლებში, როგორ შემცირდება იმ მომხმარებლების რაოდენობა რომლებიც რეკლამებს უყურებენ, გასათვალისწინებელია Meta-ს ალგორითმის თავისებურებები.

ამ შესაძლებლობით, დიახ წარმოიშვება სეგრეგაციის მაღალი რისკიც, მაგრამ მეორეს მხრივ აუცილებელია იმის გათვალისწინება რომ ადამიანებს უნდა ქონდეთ არჩევანის უფლება. ისღა დაგვრჩენია დაველოდოთ მოვლენების განვითარებას და იმას თუ რა გავლენას მოახდენს ეს სიახლე როგორც მომხმარებლებზე ისე ბიზნესზე.

რა არის Blue tick?

Facebook გვერდების blue tick, იგივე ვერიფიკაციის ბეჯი, ან უბრალოდ "ლურჯი პტიჩკა" როგორც ამას ყველაზე ხშირად უწოდებენ ხოლმე ფეისბუქზე, არის საშუალება, აჩვენოს მომხმარებლებს, რომ გვერდი არის საჯარო მოღვაწის, ბრენდის ან ორგანიზაციის ავთენტური. ანუ მაგალითად, თუ წერ Adidas-ის გვერდს სპორტული ტანსაცმლის შესაძენად, blue tick-ის ქონა გარწმუნებს რომ ის ნამდვილად Adidas-ის ოფიციალური გვერდია და არა Adibas-ი, რომელიც ცდილობს ცნობილი ბრენდის სახელს ამოეფაროს.

რა ღირს Facebook და Instagram გვერდის ვერიფიცერება?

X-ისგან (ყოფილი Twitter) განსხვავებით META-მ (Facebook) მნიშვნელოვნად განსხვავებული ტარიფები შემოგვთავაზა. კერძოდ,  X-ზე ბიზნეს გვერდის ვერიფიკაცია ღირს 1000$/თვე, დიახ არ მოგჩვენებიათ 1000$ თვეში + ტაქსები :) .

რაც შეეხბა Facebook და Instagram გვერდების ვერიფიკაციის ფასებს ისინი თანაბარია და თითოეულისთვის 22$, ხოლო თუ ორივე ერთად შეიძენთ 44$-ის ნაცვლად 35$-ის გადახდა მოგიწევთ.

აქვე შეგახსნებთ,  Facebook ან Instagram-ის, პერსონალური ექაუნთის გაოფიციალურება  რომელიც ამ მომენტისთვის საქართველოშიც მუშაობს  აპლიკაციის ვერსია 15$ ღირს თვეში, ხოლო ბრაუზერის ვერსია კი - 12$ თვეში. უცნაურია, რომ იგივე სერვისის ღირებულება  X-ზე თვეში მხოლოდ 8$ შეადგენს.

რა კრიტერიუმს უნდა აკმაყოფილებდეს გვერდი ფასიანი ვერფიკაციისთვის?

• გვერდი უნდა წარმოადგენდეს რეალურ ბიზნესს ან სუბიექტს
• გვერდი უნდა იყოს სრულყოფილი (პროფილის ფოტო, ქავერი, სახელი)
• გვერდი უნდა იყოს უნიკალური, ანუ არ უნდა არსებობდეს სხვა უკვე პტიჩკიანი გვერდი იგივე ბრენდისთვის.

ასევე, ბიზნესი / პერსონა უნდა იყოს რეგისტრირებული შემდეგი ქვეყნიდან:

• შეერთებული შტატები, კანადა, გაერთიანებული სამეფო, ავსტრალია, Ახალი ზელანდია

გვაქვს იმედი რომ საქართველოც მალე დაემატება, გისურვებთ წარმატებას :)

იხ. დამატებითი ინფორმაცია FB-დან 

3 000 000 ქართველი FB-ელი თუ  470 000 ქართველი ლინკდინელი - რომელი აუდიტორია ურჩევნია თქვენს ბიზნესს?

​ალბათ დამეთანხმებით, რომ Facebook-ს საქართველოში უკეთესად ვიცნობთ ვიდრე LinkedIn-ს. FB-ი ჩვენთან ძალიან პოპულარულია მათ შორის ბიზნესისთვის. ვყიდით ნაყინს თუ ვაშენებთ ბირთვულ რეაქტორებს, ხშირად ფეისბუქზე რეკლამის განთვსებას მაინც აუცილებლად მივიჩნევთ. რატომაც არა, აბა სხვაგან სად, არის კი ისეთი რამ რისი მიღწევაც შეგვიძლია LinkedIn-ით და ვერ მოვახერხებთ FaceBook-ით?

​აუდიტორია

​Facebook-ზე დაახლოებით 3 000 000 "ქართული პროფილია" რეგისტრირებული, აქედან 2,8 მლნ ეკუთვნის სრულწლოვნებს, ​ხოლო 2,6 მლნ 18-60 ასაკობრივი რენჯის მოქალექეებს (1,3 M ქალი + 1,3 M კაცი). ​

LinkedIn-ზე ჯამური ანგარიშების რაოდნება საქართველოდან დაახლოებით 470 000 ერთეულს შეადგენს.​

აქვე საინტერესოა, რომ LinkedIn-ი სარეკლამო მიზნებისათვის საკუთარ იუზერებს არ ყოფს ქალებად და კაცებად, ასევე არ ანსხვავებს არც ასაკის მიხედვით. რაც, შესაძლოა არცისე მამოტივირებელი იყოს ბიზნესისთვის რომელსაც სურს ლინკდინის პლატფორმის გამოყენება, თუმცა როგორც აღმოჩნდა Facebook-ისგან განსხვავებით Microsoft-ისთვის (შეგახსენებთ, LinkedIn​-ი წარმოადგენს Microsoft​-ის შვილობილ კომპანიას) უფრო მნიშვნელოვანია მაღლი ეთიკური სტანდარეტების სტატუსი ვიდრე დამატებითი შემოსავლები და შესაბამისად, ლინკდინის სარეკლამო პოლიტიკა დისკრიმინაციულად მოიაზრებს აუდიტორიის როგორც სქესით ასევე ასაკობრივ დაყოფას.

ასაკთან დაკავშირებით შეგვიძლია მხოლოდ ის ვთქვათ, რომ LinkedIn-ის ანგარიშის შექნისას პლატფორმა რეგისტრანტი პირის მინიმუმ ასაკად 16 წელს გულისხმობს, ხოლო შეგახსენებთ, რომ Facebook-ზე რეგისტრაციის შემხთხვევაში მომხმარებლის მინიმალული ასაკი 13 წლით განისაზღვრება.

რეკლამის მიზნები