ბლოგები და სიახლეები
გაყიდვები, გაყიდვები და ისევ გაყიდვები!
in ბიზნესისთვის
გაყიდვები ბიზნესში, - მთავარი გმირი სცენაზე
გაყიდვები ის მთავარი გმირია, რომელიც მთელი სპეკტაკლის განმავლობაში სცენიდან არასოდეს გადის. ნებისმიერი კომპანია, იქნება ეს სტარტაპი თუ გიგანტური კორპორაცია, გაყიდვების გარეშე ვერ იარსებებს. გაყიდვები არამარტო შემოსავალს უზრუნველყოფს, არამედ კომპანიის ზრდისა და განვითარების ფუნდამენტიცაა.
ერთმა ახალგაზრდა მუსიკოსმა ცნობილ პიანისტს იოსიფ ჰოფმანს ჰკითხა, გაემხილა საიდუმლო თუ როგორ მიეღწია კარნეგი ჰოლამდე. ჰოფმანმა უპასუხა: "Practice, practice, practice." ზუსტად ასევა გაყიდვები, სწორედ ის წარმოადგენს ყველა წარმატებული ბიზნესის მთავარ საიდუმლოს.
თუ გგონიათ, რომ გაყიდვები მხოლოდ მაღაზიის თაროებზე ლამაზად დაწყობილ პროდუქტებს ეხება, ცდებით. გაყიდვების ხელოვნება ყველგანაა, სადაც არის ვინმე, ვისაც რაღაც სურს და ვინმე, ვისაც შეუძლია ეს პროდუქტი / სერვისი მიაწოდოს.
რა შეუძლია მაგარი გუნდს? მაგალითად, მათ შეუძლიათ მიყიდონ ყინული ესკიმოსებს. ცხადია, შესაძლოა ამ ლეველამდე მისვლა გაგვიჭირდეს, მაგრამ ყოველთვის შეიძლება გავაუმჯობესოთ ჩვენი გაყიდვები მინიმუმ ერთი საფეხურით.
თუ გაყიდვებით დაინტერსებული ხართ, გადაავლეთ თვალი ამ სტატიას, ვიმედოვნებთ ის თქვენთვის საინტერსო აღმოჩნდება.
რატომ არის გაყიდვები ასეთი სექსუალური?
კარგი, კარგი, ალბათ "სექსუალური" ცოტა ზედმეტია, მაგრამ ეს სიტყვა ხომ ყველაფერს ყიდის და თქვენც შესაძლოა ამ სათაურის გამო აგრძელებთ კითხვას. სიმართლე ისაა, რომ გაყიდვებს მართლაც აქვს მიმზიდველი მხარე. აბა წარმოიდგინეთ, რომ თქვენ ხართ ჯადოქარი, რომელსაც შეუძლია ადამიანებს მისცეს ის, რაც მათ სურთ. ეს ხომ მაგარია? გარდა ამისა, გაყიდვები კომპანიისთვის სასიცოცხლოდ მნიშვნელოვანია:
- ფულადი ნაკადები: სეილების გარეშე, ვერც ერთი კომპანია ვერ იარსებებს. ეს ის ძალაა, რომელიც ბიზნესს მოძრაობაში ამყოფებს.
- კლიენტებთან კავშირი: გაყიდვები გვეხმარება გავიგოთ, რა სურთ მომხმარებლებს და როგორ შეგვიძლია მათი მოთხოვნილებების დაკმაყოფილება.
- ბაზრის წილის გაზრდა: რაც მეტი გაყიდვა, მით უფრო დიდი წილი გვიკავია ბაზარზე და მით უფრო ძლიერია ჩვენი პოზიცია.
გაყიდვების არხები: სად ვიპოვოთ ჩვენი კლიენტები?
რეალიზაციის არხები არის ის ბილიკები, სადაც ჩვენი პროდუქტი ან მომსახურება მომხმარებელს ხვდება. ეს შეიძლება იყოს:
პირდაპირი გაყიდვები:
ეს მეთოდი ხშირად არის ყველაზე ეფექტური გზა. ერთი-ერთზე“ გაყიდვები, როგორც მას ხშირად ეძახიან, მოიცავს კლიენტთან პირდაპირ ურთიერთობას. ეს გზა განსაკუთრებით ეფექტურია, როცა პროდუქტს ან სერვისს პირადად აჩვენებთ და არწმუნებთ კლიენტს მის საჭიროებაში.
ქსელური გაყიდვები: „ახლობლების ქსელის“ მაგია
ალბათ გახსოვთ პარფიუმერული ბრენდები, ან ე.წ. პირამიდები (პონზის სქემა), სადაც კლიენტი ხდება "გამყიდველი", მას მოყავს ახალი კლიენტი, ახალ კლინეტს კიდევ უფრო ახალი და ა.შ. სწორედ ეს არის ქსელური გაყიდვები, მას აქვს დიდი ძალა, რადგან აქ გამოიყენება უკვე ნაცნობი ადამიანის პერსონალური ნდობა და რეპუტაცია რომელსაც იცნობს პოტენციური კლიენტი. ეს მეთოდი ძირითადად ახლობლების ქსელის მეშვეობით ხდება, სადაც პირადი რეკომენდაციები და კომუნიკაცია წინა პლანზეა.
არაპირდაპირი გაყიდვები:
არაფერი ახალი, ეს ტრადიციული, პასიური გაყიდვის სახეა, როდესაც თქვენი პროდუქტი მაღაზიებში ან სხვა პლატფორმებზე იყიდება. საჭიროებს დიდ ინვესტიციას, თუ გაქვთ იმის ფუფუნება სხვა და სხვა მაღაზიის თაროებზე თქვენი პროდუქტი უძრავად იდოს, კარგია რატომაც არა ;) .
ონლაინ გაყიდვები: გაყიდვების მთავარი არხი!
ონლაინ გაყიდვები, დღესდღეობით მრავალი მოწინავე კომპანიის ძირითადი არხია. თუ გსურთ რომ თქვენი ბიზნესი ციფრულ ერაში გადადგმულიყოს, უნდა იყოთ მზად, რომ ონლაინ გაყიდვები იყოს თქვენი მთავარი სტრატეგია. ეს მოიცავს ვებსაიტებს, ონლაინ მაღაზიებს, სოციალური მედიის პლატფორმებს და ა.შ.
მარტივად რომ ვთქვათ, ონლაინ გაყიდვები არის ის, როდესაც თქვენი პროდუქტი ინტერნეტში იყიდება. არანაირი ნაშთი თაროზე სხვადასხვა მაღაზიის თაროზე, ნაკლები ხარჯი და მეტი "გამვლელი" თქვენს ვირტუალურ ვიტრინებთან. დღეს დღეობით ეს არის ყველაზე თანამედროვე და სწრაფად მზარდი არხი.
გაყიდვების მეთოდები - გაყიდვების სტრატეგიული სამოქმედო გეგმა
კლიენტის საჭიროების ანალიზი: დააყენეთ კლიენტი პირველი ადგილზე!
თუ კლიენტი ვერ გაიგებს, რომ თქვენი პროდუქტი / სერვისი მისი პრობლემის გადაწყვეტაა, თქვენც ვერ გაყიდით. კლიენტის საჭიროების ანალიზი მთავარი საფეხურია, სადაც უნდა გაარკვიოთ, რა სჭირდება კლიენტს და როგორ შეუძლია თქვენს პროდუქტს მისი პრობლემა გადაჭრას.
უნიკალური შეთავაზების შექმნა: შექმენით რამე განსხვავებული „სუპერ პროდუქტი“
უნიკალური შეთავაზება არის ის, რაც თქვენს პროდუქტს გამოარჩევს სხვა მსგავსი პროდუქტებისგან. ეს შეიძლება იყოს განსაკუთრებული ფუნქცია, ხარისხი ან უბრალოდ ის, რომ თქვენი პროდუქტი „ყველაზე გემრიელია“ :) .
კომუნიკაცია და მოლაპარაკებები: „ენა - ბიზნესის იარაღი“
კომუნიკაცია და მოლაპარაკებები ის „შერლოკ ჰოლმსის“ მეთოდებია, რომლებიც მოლაპარაკების დროს გამოიყენება. კარგი კომუნიკაცია და მოლაპარაკებები კლიენტთან ნდობას აყალიბებს და გარიგების წარმატებას უზრუნველყოფს.
გაყიდვების შემდგომი მომსახურება: ერთგულების შენარჩუნება
გაყიდვის შემდეგაც არ უნდა დავივიწყოთ კლიენტი. გაყიდვების შემდგომი მომსახურება ის „წმინდა გრალია“, რომელიც კლიენტის ერთგულებას უზრუნველყოფს და მომავალ გარიგებებს აადვილებს.
გაყიდვების მიდგომები: გამარჯვების სტრატეგიები
ცივი ზარები: გამბედაობა და თავგადასავალი
ცივი ზარები, „მოწყენისგან დაღწევის“ გზაა, რომელიც გაყიდვების წარმომადგენლებისთვის ნამდვილ თავგადასავლად იქცევა. ეს მეთოდი მოითხოვს გამბედაობას და დახვეწილ კომუნიკაციას, რათა მოულოდნელად მოვიდეს კლიენტი.
სოციალური მედიის გაყიდვები: „ლაიქებით“ დაპყრობა
სოციალური მედიის გაყიდვები დღესდღეობით ძალზე პოპულარულია. თუ სწორად გამოიყენებთ სოციალურ პლატფორმებს, თქვენი პროდუქტის „ლაიქებით“ დაპყრობა საკმაოდ ადვილი იქნება.
კორპორატიული გაყიდვები: „დიდი თამაშის“ მოთამაშეები
კორპორატიული გაყიდვები მოითხოვს მაღალი დონის მოლაპარაკებებს და სტრატეგიულ მიდგომებს. ეს მეთოდი გულისხმობს დიდი კომპანიების ან ორგანიზაციების თანამშრომლობას და მათთვის პროდუქტის ან სერვისის მიწოდებას.
გაყიდვების მეთოდები ისეთივე მრავალფეროვანია, როგორც ადამიანების ხასიათები. აქ მთავარია, იპოვოთ ის მიდგომა, რომელიც თქვენს პროდუქტს ან მომსახურებას და მომხმარებელს ყველაზე მეტად შეეფერება.
- საკონსულტაციო გაყიდვები: როდესაც თქვენ ექსპერტი ხართ და მომხმარებელს ეხმარებით სწორი გადაწყვეტილების მიღებაში.
- ურთიერთობებზე დაფუძნებული გაყიდვები: როდესაც თქვენ კლიენტთან მეგობრული ურთიერთობის დამყარებას ცდილობთ და მისი ნდობის მოპოვება გსურთ.
- გამოწვევებზე ორიენტირებული გაყიდვები: როდესაც თქვენ მომხმარებლის პრობლემებს აგვარებთ და მას თქვენს პროდუქტს ან მომსახურებას, როგორც გადაწყვეტას, სთავაზობთ.
თუ გაინტერსებთ მეტი გაყიდვების შესახებ, შეგიძლიათ გაიაროთ მარტივი გაყიდვების ტესტი, ან გადაათვალიეროთ ეს გვერდი და ჩანიშნოთ უფასო კონსულტაცია გაყიდვების ზრდის შესახებ.
დასკვნა: გაყიდვები - ბიზნესის გულსა და სულს წარმოადგენს
ყველა წარმატებული კომპანიის უკან დგას კარგად შემუშავებული გაყიდვების სტრატეგია, რომელიც საშუალებას აძლევს კომპანიას არ განაგრძოს ზრდა, განვითარებას და წარმატება. ამიტომ, თუ გინდათ, რომ თქვენი ბიზნესი მუდმივად ვითარდებოდეს, აუცილებლად მიანიჭეთ პრიორიტეტი გაყიდვებს.
ონლაინ მაღაზია - ის რაც აუცილებლად უნდა იცოდეთ!
in ბიზნესისთვის
თუ ჯერ კიდევ არ ფლობთ ონლაინ მაღაზიას მაშინ დროა დაფიქრდეთ, რადგან 2024 წლის ბოლოს მსოფლიო ბაზარზე 12 მლნ დან 24 მლნ -მდე ონლაინ მაღაზია იფუნქციონირებს! (OPTINMONSTER)
გამოკითხული ადამიანების 44.4% ჯერ კიდევ ურჩევნია ფიზიკურ მაღაზიებში შოპინგი, 55,6% კი უპირატესობას ონლაინ შოპინგს ანიჭებს.
ონლაინ შოპინგის მოყვარულთა მხარის არგუმენტაცია ასეთია:
- ონლაინ შოპინგის ხელმისაწვდომობა 24/7 -ზე.
- ყიდვის პროცესის კომფორტულობა რადგან არ გიწევს სახლიდან გასვლა იმისთვის რომ რამე შეიძინო.
- ფასდაკლების კუპონების გამოყენების სიმარტივე.
- ჯანმრთელობის პრობლემების მქონე ადამიანთათვის პრაქტიკულობა.
- უფრო სწრაფია ვიდრე ფიზიკურ ლოკაციებზე გასვლა და სასურველი ნივთების შეძენა.
უნდა აღინიშნოს რომ გამოკითხული ადამიანების 47.7% აღიარებს რომ ონლაინ შოპინგისას ისინი აღარ იძენენ იმ ნივთებს რასაც ფიზიკურ მაღაზიებში ყიდულობდნენ ხოლმე. ეს ნიშნავს იმას რომ ონლაინ მაღაზიის საშუალებით მომხმარებლების ყიდვითი ჩვევის შეცვლა აბსოლუტურად რეალური მიზანი შეიძლება გახდეს მცირე და საშუალო ბიზნესისთვის.
იმის დასტურ რომ მომხმარებლების ლოიალობა საყვარელი ბრენდების მიმართ ცვლადია ნათლად ჩანს შემდეგ შედეგშიც: გამოკითხული მომხმარებლების 28.9% ამბობს რომ ისინი უფრო ხშირად ცვლიან ბრენდებს ვიდრე ეს წლების წინ ხდებოდა.
მომხმარებელთა 55% კი ამბობს რომ პირველი ნეგატიური ყიდვითი გამოცდილების შემდეგ შეუწყვიტავთ ამა თუ იმ ბრენდის პროდუქტით სარგებლობა. ფიზიკურ მაღაზიებში მომხმარებელთა დაკარგვის რისკი გაზრდილია მათ შორის სულ უფრო მზარდი ონლაინ შოპინგის წილის გამოც.
ყიდვა, ხშირად სპონტანური გადაწყვეტილებაა და ამ გადაწყვეტილებას ადამიანები ემოციურ ნიადაგზე ვიღებთ ხოლმე. სმარტფონების ეპოქაში ონლაინ მაღაზიების გამოყენების სტატისტიკა სულ უფრო სწრაფად სწორედ ამ მიზეზით იზრდება.
სმარტფონებით ონლაინ შოპინგის წილი ჯერ კიდევ დაბალია თუმცა აღსანიშნავია რომ გამოკითხულთა 65% ყიდვის გადაწყვეტილებამდე მოკვლევას სწორედ სმარტფონების საშუალებით აწარმოებენ ინტერნეტ სივრცეში. რის შემდეგაც იღებენ ყიდვის ან არ ყიდვის გადაწყვეტილებას. ამ პროცესში ფასი რა თქმა უნდა გადამწყვეტი ფაქტორია და მისით კმაყოფილების შემთხვევაში 51% სწორედ იმ პროდუქტს იძენს რომლის ფასიც მათთვის ხელმისაწვდომია. ამის მაგალითია, საქართველოში პოპულარული ბიუჯეტური მაღაზიები როგორიცაა Aliexpress, Temu, Trendyol და ა.შ.
პროგნოზირებულია რომ სმარტფონების საშუალებით ონლაინ შოპინგის შედეგად ელექტრონული კომერციის შემოსავალი, 2025 წელს 728,28 მლრდ დოლარს მიაღწევს, რაც სულაც არ არის გასაკვირი.
ინტერნეტ სივრცეში, მზარდი კონკურენციის პირობებში ბიზნესი დგას გამოწვევის წინაშე გაუმკლავდეს მომხმარებელთა გაზრდილ მოთხოვნებს. ამისთვის აუცილებელია რომ გამოიყენოთ ყველა მარკეტინგული და ტექნიკური შესაძლებლობა რომ დაწინაურდეთ კონკურენტებთან რბოლაში!
სწორედ ამიტომ, ინტერნეტ მაღაზიის დამზადებისას აუცილებელია გაითვალისწინოთ და იზრუნოთ თქვენი ონლაინ მაღაზიის SEO ოპტიმიზაციაზე რაც დაგეხმარებათ როგორც სპონტანური მყიდველების დაჭერაში ასევე ლოიალური მომხმარებლების შენარჩუნებაში. თქვენი ონლაინ მაღაზიის SEO ოპტიმიზაცია პრაქტიკულად სასიცოცხლო აუცილებლობაა თქვენი გაყიდვების ზრდისთვის.
აღსანიშნავია რომ გამოკითხული Millennial-ების და GEN-Z ის 47% -ს ონლაინ შოპინგისას ურჩევნიათ ესაუბრონ ჩატბოტებს და მათგან მიიღონ საჭირო ტექნიკური საფორთი, ინფორმაცია პროდუქტისა და მისი ყიდვის თუ მიწოდების შესახებ. რაც ნიშნავს იმას რომ ჩატბოტების გამოყენება გაყიდვებში ასევე ძალიან მნიშვნელოვანი ფაქტორია რადგან ეს თაობა დღეში 10 + საათს სწორედ სმარტფონებთან თანაცხოვრობს.
ამრიგად, წამყვანი მარკეტინგული კვლევებით კიდევ ერთხელ დასტურდება რომ მცირე და საშუალო ბიზნესის მფლობელებს ჯერ კიდევ აქვთ დრო გააონლაინონ თავიანთი ბიზნესი, დაიწყონ ონლაინ გაყიდვები რადგან ეს შესაძლებლობაა რომლის სწორად გამოყენებაც უდიდეს პოზიტიურ ცვლილებებამდე მიგიყვანთ.
თუ თქვენ ბიზნესს ჯერ კიდევ არ აქვს „ონლაინ ფილიალი“ დროა დაიწყოთ - ონლაინ მაღაზიის დამზადება, SEO ოპტიმიმიზაცია და ჩატბოტების აწყობა.
შეგიძლიათ იხილოთ ჩვენი ონლაინ მაღაზიის ფასის კალკულატორი,
შეავსოთ მონაცემები და მოითხოვოთ ზარი 👉 ონლაინ მაღაზიის ფასის კალკულატორი 👈
მეტი ინფორმაციისთვის შეგიძლიათ დაგვიკავშირდეთ, ან მოითხოვოთ ზარი და გაიაროთ უფასო კონსულტაცია >>> 577 619 319
ინტერნეტ მაღაზიის დამზადება
in ბიზნესისთვის
ინტერნეტ მაღაზიის დამზადება მისთვის ვინც ამ საკითხთან შეხება არ ქონია შეიძლება ერთი შეხედვით ძალიან მარტივი ან ძალიან რთული ჩანდეს. ამ სტატიაში თქვენ ნახავთ სასარგებლო ინფორმაციას რაც გაგიადვილებთ ინტერნეტ მაღაზიის დამზადების პროცესს. აქ მოცემულია საბაზისო ინფორმაცია, რომელიც ასახავს ონლაინ მაღაზიის შექმნის ძირითად ნაბიჯებს და იმას თუ რას უნდა მიაქციოთ ყურადღება თითოეულ ეტაპზე.
პირველი რაც ინტერნეტ მაღაზიის დამზადებამდე უნდა გააკეთოთ:
- გაარკვიეთ თქვენი სამიზნე აუდიტორია / buyer persona
სანამ დაიწყებთ ონლაინ მაღაზიის დამზადებას, აუცილებელია განსაზღვროთ თქვენი სამიზნე აუდიტორია, თუ ვინაა თქვენი პოტენციური მომხმარებელი, რა სქესის, ასაკის, პროფესიის, განათლების, შემოსავლების ადამიანები არიან ისინი, სად ცხოვრობენ, რა ინტერესები გააჩნიათ და აშ. ამ ინფორმაციის ცოდნა დაგეხმარებათ მათზე მორგებული ონლაინ მაღაზიის დაამზადებასა და სწორი მარკეტინგული კამპანიების დაგეგმვაში რაც თქვენი ინტერნეტ მაღაზიის ეფექტიანობას კიდევ უფრო გაზრდის. ონლაინ მაღაზიის მიზანი ხომ გაყიდვების გაზრდა არსებული კლიენტების შენარჩუნება და ახალის მოზიდვაა.
- შეარჩიეთ დომენი თქვენი ინტერნეტ მაღაზიისთვის
დომენი თქვენი ონლაინ მაღაზიის ინტერნეტ მისამართია, შესაბამისად მნიშვნელოვანია რომ იგი თქვენი ბრენდის შესატყვისი იყოს. დომენის სახელი სასურველია რომ არ შეიცავდეს 15 სიმბოლოზე მეტს იყოს კეთილჟღერადი, მარტივად დამახსოვრებადი და საჭირო ასოციაციების გამომწვევი.
დომენის შერჩევის შესახებ მეტი ინფორმაციის გასაგებად შეგიძლიათ იხილოთ სტატია >> დომენის შერჩევა
3. აირჩიეთ ვებ ჰოსტინგი
არსებითად, ვებ ჰოსტინგი არის სერვერი, რომელიც ინახავს ყველა ფაილს და მონაცემს, რომლებიც ქმნიან თქვენს ვებსაიტს. ვებ ჰოსტინგ პროვაიდერები უზრუნველყოფენ სერვერის სივრცეს და ტექნოლოგიას, რომელიც საშუალებას აძლევს თქვენს საიტს იყოს ხელმისაწვდომი ყველასთვის ინტერნეტში. ამიტომ ვებ ჰოსტინგ პროვაიდერის სწორად შერჩევა სადაც განთავსდება თქვენი საიტი ძალიან მნიშვნელოვანი გადაწყვეტილებაა.
თუ თქვენი ბიზნესი ქართული ბაზრისთვისაა განკუთვნილი მაშინ უმჯობესია რომ თქვენი საიტიც ქართული სერვერებიდან იტვირთებოდეს, რადგან ეს დადებითაც იმოქმედებს ონლაინ მაღაზიის ჩატვირთვის სიჩქარეზე.
4. ონლაინ მაღაზიის ფუნქციონალი
სანამ დაიწყებთ ინტერნეტ მაღაზიისთვის პლატფორმის შერჩევას ჯერ უნდა გადაწყვიტოთ თუ რა ფუნქციონალის გსურთ რომ იყოს თქვენი ონლაინ მაღაზია. სწორედ თქვენი სურვილები და საჭიროებები ასევე ბიუჯეტიც განსაზღვრავს პლატფორმის არჩევის შესაძლებლობას. ამიტომ მნიშვნელოვანია ზუსტად იცოდეთ რა გსურთ რომ თქვენ ონლაინ მაღაზიაზე ხდებოდეს? რისი გაკეთება უნდ შეძლოს მომხმარებელმა? გაიაზრეთ და ჩამოწერეთ 🙏
ასევე აუცილებელია იცოდეთ რომ ონლაინ მაღაზიაში გადახდის სისტემის ინტეგრირებას ქართული ბარათებისთვის გარკვეული ფორმალობების მოგვარება ჭირდება ქართულ ბანკებთან, რომელსაც ვერავინ გააკეთებს თქვენ გარდა. ეს მარტივი პროცესი აუცილებლად მოითხოვს ბანკებთან თქვენი ურთიერთობის რეგულირებას რომლის შემდეგაც ხდება გადახდის სისტემის მოქმედებაში მოყვანა.
5. შეარჩიეთ ინტერნეტ მაღაზიის პლატფორმა
დომენის, ჰოსტინგისა და ფუნქციონალზე ჩამოყალიბების შემდეგ, ელექტრონული კომერციის პლატფორმის შერჩევის ჯერიც დგება. არჩევანი არც ისე მწირია მაგრამ გააჩნია თქვენ საჭიროებებსა და ბიუჯეტს.
მაგალითად თუ თქვენი ონლაინ მაღაზია სტანდარტული ფუნქციონალისაა, კატეგორიებით, ქვეკატეგორიებით, გადახდისა თუ განვადების სისტემებით, მომხმარებელთა რეგისტრაციით, მარაგების მართვისა და პროდუქტთა ეტიკეტირების სისტემით მაშინ უმჯობესია რომ მსგავსი ფუნქციონალის საიტი უკვე ნაცნობ ბიუჯეტურ მაგრამ მუშა CMS -ზე აიწყოს. WooCommerce იდეალური გადაწყვეტილებაა ამ შემთხვევაში. ეს დაგიზოგავთ როგორც დეველოპმენტის დროს ისე ხარჯებს, WooCommerce საიტების მართვა დიდ ტექნიკურ უნარებს არ მოითხოვს და მისი მოვლა პატრონობაც არ წამოადგენს დიდ სირთულეს. ამიტომ ეს მნიშვნელოვანი პლუსია ონლაინ მაღაზიის პლატფორმის შერჩევისას.
6. ონლაინ მაღაზიის დიზაინი და ვებსაიტის რუკა
ამ ეტაპზე თქვენ არჩევთ საიტის თემფლეითს / დიზაინს, თქვენ უკვე იცით თუ როგორ უნდა გამოიყურებოდეს თქვენი ონლაინ მაღაზია და უკვე გადადიხართ ვებსაიტის სტრუქტურის გეგმის შექმნაზე. ონლაინ მაღაზიის რუქის შექმნა დაგეხმარებათ რომ თქვენი საიტი ლოგიკურად იყოს ორგანიზებული, რაც გაუადვილებს მომხმარებლებს ნავიგაციას და სასურველი პროდუქტისა თუ უბრალოდ ინფორმაციის მოძებნას. ეს ინფორმაცია დაეხმარება არა მხოლოდ თქვენ მომხმარებელს არამედ დეველოპერებსაც რომლებმაც უნდა იმუშაონ თქვენი ონლაინ მაღაზიის დამზადებაზეც. ამიტომ:
- ჩამოთვალეთ თქვენი ონლაინ მაღაზიის ყველა ძირითადი კატეგორია ან სექცია. ეს შექმნის ძირითადი ნავიგაციის მენიუს.
- თითოეული კატეგორიის ქვეშ ჩამოთვალეთ ქვეკატეგორიები ან გვერდები, რომლებიც უფრო დეტალურ ინფორმაციას გვაწვდიან.
- ჩამოწერეთ ყველა სპეციფიკაცია ( ფერი, ზომა, წონა, მახასიათებლები ) რაც ნიშანდობლივია იმ პროდუქტებისთვის რასაც ონლაინ მაღაზიის საშუალებით გაყიდით.
7. ინტერნეტ მაღაზიის დამზადება და მისი მობილურზე ოპტიმიზაცია
დარწმუნდით, რომ თქვენი ონლაინ მაღაზია მოსახერხებელია მობილურისთვის, რადგან ონლაინ შოპინგის დიდი წილი სწორედ სმარტფონებით ხორციელდება, აუცილებელია რომ ყველა ფუნქციონალი და პროცესი მობილურზე მორგებული (mobile responsive) გამართულად ფუნქციონირებადი იყოს.
8. ინტერნეტ მაღაზიის მოვლა / Maintenance
მას შემდეგ რაც დასრულდება თქვენი ონლაინ მაღაზიის დეველოპმენტი, მნიშვნელოვანია რომ ის საიმედო ხელში დარჩეს. თუ თქვენ არ ფლობთ იმდენ ტექნიკურ უნარს რომ უზრუნველყოთ როგორც უსაფრთხოების განახლებები ისე Facebook და Google სერვისები ან reset API და სხვა და სხვა API ები რომელსაც იყენებს თქვენი ინტერნეტ მაღაზია, მაშინ უმჯობესია მასზე მცოდნემ და პროფესიონალმა იზრუნოს.
ვიდეო მარკეტინგი გაყიდვების ზრდისთვის
in ბიზნესისთვის
ვიდეო მარკეტინგი არის სულ უფრო მნიშვნელოვანი ინსტრუმენტი ბიზნესის ციფრული მარკეტინგის არსენალში მთელს მსოფლიოში. მისი მნიშვნელობა გამომდინარეობს აუდიტორიაზე ვიდეო კონტენტის ღრმა ზეგავლენიდან, ჩართულობის, ინფორმაციის შენარჩუნებისა და ყიდვის ქცევაზე გავლენის თვალსაზრისით ვიდეო ფორმატს კონკურენტი არ ყავს. ამ დეტალურ კვლევაში ჩვენ ჩავუღრმავდებით ვიდეო მარკეტინგის მნიშვნელობის მიზეზებს, რაც ასახავს მის გადამწყვეტ როლს თანამედროვე ბიზნეს სტრატეგიებში.
ვიდეო მარკეტინგი და მისი როლი ბიზნეს სტრატეგიებში
1. გაზრდილი ჩართულობა
ვიდეოს აქვს აუდიტორიის ყურადღების მიპყრობისა და დაპყრობის შეუდარებელი უნარი. ტექსტისა და სტატიკური სურათებისგან განსხვავებით, ვიდეო აერთიანებს ვიზუალურ და სმენის სტიმულს, რაც მათ უფრო მიმზიდველს და ადვილად საყურებელსა და გასაანალიზებელს ხდის. ეს მულტისენსორული ჩართულობა კრიტიკულია იმ ეპოქაში, სადაც მომხმარებლის ყურადღების დიაპაზონი უფრო მოკლეა, ვიდრე ოდესმე. HubSpot-ის თანახმად, ვიდეო კონტენტის გაზიარების ალბათობა 40-ჯერ მეტია, ვიდრე სხვა ტიპის კონტენტის, რაც აძლიერებს ბრენდის წვდომას და ჩართულობის დონეს.
2. გაზრდილი კონვერტაციის მაჩვენებელი
დადასტურებულია, რომ ვიდეოს ინტეგრირება მარკეტინგულ სტრატეგიებში ზრდის კონვერტაციის მაჩვენებელს. მაგალითად, Eyeview Digital-ის თანახმად, საიტის მთავარ გვერდზე ვიდეოს დადების გამო შეიძლება გაზარდოს კონვერტაციის კოეფიციენტი 80%-ზე მეტით. ვიდეოებს შეუძლიათ აჩვენონ პროდუქტები ან სერვისების პრაქტიკული უნარები და მათ შესახებ ინფორმაცია მაქსიმალურად რეალობასთან ახლოს, რაც პროდუქტის თუ სერვისის უფრო მკაფიო გაგებას უზრუნველყოფს პოტენციური მომხმარებლებისთვის და ეხმარება მათ შესყიდვის შესახებ ინფორმირებული გადაწყვეტილებების მიღებაში. ეს პირდაპირი გავლენა კონვერტაციაზე ხაზს უსვამს ვიდეო კონტენტის მნიშვნელობას ბიზნესის წარმატებებში.
3. გაძლიერებული SEO და ვიდეო მარკეტინგი
საძიებო სისტემები პრიორიტეტს ანიჭებენ ვიდეო კონტენტს, რომელიც იზიდავს მომხმარებლებს და ინარჩუნებს საიტის გვერდზე დიდხანს. ვიდეოები მნიშვნელოვნად ზრდიან საიტზე გატარებულ დროს, რაც საძიებო სისტემებისთვის დადებითი სიგნალია ვებსაიტის ხარისხის შესახებ, ეს კიდევ პირდაპირპროპორციულად აუმჯობესებს საიტის საძიებო რეიტინგს. უფრო მეტიც, Google-ის ძიების შედეგებში ვიდეოები და ვიდეო კონტენტის არსებობა 53-ჯერ ზრდის Google-ის წინა გვერდზე მოხვედრის შანსს.
4. ინფორმაციის გაუმჯობესებული შენახვა
ადამიანებს შეუძლიათ ვიზუალური ინფორმაციის უფრო ეფექტურად დამუშავება, ვიდრე ტექსტის. მაყურებელი იმახსოვრებს მიწოდებული ინფორმაციის 95%-ს, როდესაც უყურებს მას ვიდეოში, წაკითხულის კი მხოლოდ 10%-ს ტექსტში კითხვისას. ამ მაჩვენებლის შენარჩუნება ფასდაუდებელია იმ ბრენდებისთვის, რომლებიც მიზნად ისახავენ ცნობიერების ამაღლებას და საკუთარი ადგილის მოპოვებას კონკურენტულ ბაზრებზე, რაც ჯამში ვიდეოს ეფექტურ საგანმანათლებლო და მარკეტინგულ ინსტრუმენტად აქცევს.
5. ხელმისაწვდომობა და გაზიარება
სმარტფონებისა და მაღალსიჩქარიანი ინტერნეტის გავრცელებით, ვიდეო უფრო ხელმისაწვდომი გახდა ფართო აუდიტორიისთვის. სოციალური მედიის პლატფორმებმა კიდევ უფრო გააძლიერა ეს ვიდეოს გაზიარების გამარტივებით, რაც საშუალებას აძლევს კონტენტს გახდეს ვირუსული და სწრაფად მიაღწიოს გლობალურ აუდიტორიას. სწორედ გაზიარების ეს სიმარტივე ხდის ვიდეო მარკეტინგს მძლავრ ინსტრუმენტად ბიზნესისთვის.
6. ემოციური კავშირი
ვიდეოებს აქვთ ემოციების გამოწვევის უნიკალური უნარი სიუჟეტის, მუსიკისა და ვიზუალის მეშვეობით, რაც ქმნის უფრო ძლიერ ემოციურ კავშირს აუდიტორიასთან, ვიდრე მხოლოდ ტექსტი ან სურათები. ეს კავშირი გადამწყვეტია ბრენდის ლოიალობისა და მომხმარებელთა შესანარჩუნებლად, რადგან მომხმარებლები უფრო ხშირად ყიდულობენ იმ ბრენდებს, რომელთანაც ემოციურად შეესაბამებიან და აკმაყოფილებენ მათ ესთეტიურ თუ მორალურ მოთხოვნებს. ემოციურ მოთხრობას შეუძლია მნიშვნელოვნად გააძლიეროს ბრენდის აღქმა და მომხმარებელთა ლოიალობა.
7. მრავალმხრივობა
ვიდეო კონტენტი წარმოუდგენლად მრავალმხრივია და მისი ხელახალი გამოყენება შესაძლებელია მრავალ პლატფორმაზე, მათ შორის ვებსაიტებზე, სოციალურ მედიაში, ელექტრონული ფოსტის მარკეტინგის კამპანიებზე და სხვა. პროდუქტის დემონსტრაციებიდან და ჩვენებებიდან დაწყებული სასარგებლო გაკვეთილებით და კომპანიის შიდა სამზარეულოს ჩვენებით დამთავრებული, ვიდეო კონტენტის უამრავი ფორმატი არსებობს რომელიც ბიზნესს შეუძლია გამოიყენოს მომხმარებელთა ლოიალობის მოსაპოვებლად და გაყიდვების გასაზრდელად.
8. კონკურენტული უპირატესობა
ხალხმრავალ ბაზარზე ვიდეო მარკეტინგი კონკურენტულ უპირატესობას გვთავაზობს. ბრენდები, რომლებიც ეფექტურად იყენებენ ვიდეო მარკეტინგის, გამოირჩევიან იმ ბრენდებისგან, რომლებიც არ იყენებენ ვიდეოს. რაც მომხმარებელს უფრო მიმზიდველ და ყოვლისმომცველ გამოცდილებას სთავაზობს. იმის გამო, რომ მომხმარებლები სულ უფრო მეტად ანიჭებენ უპირატესობას ვიდეო კონტენტს, ბიზნესები, რომლებიც ინვესტიციას ახდენენ ვიდეო მარკეტინგის სფეროში, მარტივად ხდებიან ხოლმე ბაზრის ლიდერები.
9. გაზომვადი შედეგები
ვიდეო მარკეტინგული კამპანიების ეფექტურობა შეიძლება ადვილად შეფასდეს ანალიტიკური ინსტრუმენტების გამოყენებით, რომლებიც უზრუნველყოფილია სოციალური მედიის პლატფორმებით და ვიდეო ჰოსტინგის სერვისებით. ისეთი მეტრიკა, როგორიცაა ნახვები, გაზიარებები, მოწონებები და ჩართულობის მაჩვენებლები, გვთავაზობს ინფორმაციას ვიდეო კონტენტის მუშაობის შესახებ, რაც საშუალებას აძლევს ბიზნესებს დახვეწონ თავიანთი სტრატეგიები უკეთესი შედეგებისთვის.
10. მომავალი და ვიდეო მარკეტინგი
ტექნოლოგიის მიმდინარე მიღწევებით, როგორიცაა გაძლიერებული რეალობა (AR) და ვირტუალური რეალობა (VR), მოსალოდნელია, რომ ვიდეო კონტენტი კიდევ უფრო მრავალშრიანი და ინტერაქტიული გახდეს. ვიდეო მარკეტინგში ინვესტიცია ახლა ამზადებს ბიზნესს მომავალი ტენდენციებისთვის, რაც უზრუნველყოფს ციფრული მარკეტინგის ინოვაციების წინა პლანზე დარჩენას.
ვიდეო მარკეტინგი არ არის მხოლოდ ტენდენცია. ეს წარმატებული ციფრული მარკეტინგის სტრატეგიის მნიშვნელოვანი კომპონენტია. აუდიტორიის ჩართვის, ბრენდის ხილვადობის გაზრდის, კონვერტაციის გაზრდისა და ემოციური კავშირების დამყარების უნარი მას ფასდაუდებელ ინსტრუმენტად აქცევს ბიზნესებისთვის, რომლებიც მიზნად ისახავენ ციფრულ ეპოქაში აყვავებას.
მნიშვნელოვანი სტატისტიკური მონაცემები ვიდეო მარკეტინგის შესახებ hubspot - დან :
- YouTube-ს ჰყავს 2,5 მილიარდზე მეტი აქტიური მომხმარებელი (DataReportal, 2023).
- YouTube-ის მომხმარებელთა ბაზა არის 45.6% ქალი და 54.4% მამაკაცი (DataReportal, 2023).
- აშშ-ს მაყურებელთა ნახევარზე მეტი თანხმდება, რომ YouTube რეკლამები უფრო აქტუალურია, ვიდრე რეკლამები ტრადიციულ ტელევიზორში ან სხვა სტრიმინგ აპებში (Google, 2023).
- მარკეტოლოგების 22%-მა ჩართო YouTube Stories ვიდეო მარკეტინგის სტრატეგიაში (Social Media Examiner, 2023).
- გაერთიანებულ სამეფოში ბავშვები ყოველდღიურად ატარებენ საშუალოდ 64 წუთს - საათზე მეტს - YouTube-ზე (Statista, 2022).
- მარკეტოლოგების 56%-მა განაცხადა, რომ მოკლე ფორმის ვიდეო იგივე შორთსი იყო მთავარი ტენდენცია, რომელშიც ისინი აპირებდნენ ინვესტირებას 2024 წელს (HubSpot State of Marketing Report, 2024).
- სამიდან ერთზე მეტი ვიდეო მარკეტინგი ამბობს, რომ ოპტიმალური ვიდეო მხოლოდ ერთიდან სამ წუთამდეა და 96% ეთანხმება, რომ ვიდეოები უნდა იყოს 10 წუთზე ნაკლები (HubSpot State of Marketing Report, 2023).
- მომხმარებელთა 73%-ს ურჩევნია უყუროს მოკლე ფორმის ვიდეოს, რათა შეიტყოს პროდუქტის ან სერვისის შესახებ (The Leap, 2023). (წყარო: https://www.hubspot.com/marketing-statistics)
- მარკეტოლოგების 96% თანხმდება, რომ ვიდეოები დაეხმარა მომხმარებლებს მათი პროდუქტის ან სერვისის შესახებ გაგებაში(HubSpot State of Video Marketing Report, 2023)
- მარკეტოლოგების 40% აცხადებს, რომ ვიდეო კონტენტის შექმნის ყველაზე დიდი სარგებელი არის ის, რომ დაეხმარონ მომხმარებლებს გაიგონ მისი პროდუქტები და სერვისები (HubSpot State of Video Marketing Report, 2023).
- ადამიანების 96% ამბობს, რომ უყურებს ახსნა-განმარტების ვიდეოებს პროდუქტის შესახებ მეტის გასაგებად, ხოლო 89% ამბობს, რომ ყიდულობს (HubSpot State of Video Marketing Report, 2023).
- მომხმარებელთა დაახლოებით 51% ეყრდნობა პროდუქტის ვიდეოებს განათლებული შესყიდვის გადაწყვეტილების მისაღებად (Plainly, 2023). (წყარო: https://www.hubspot.com/marketing-statistics)
- კომპანიების მიერ შექმნილი ვიდეოების 71% შექმნილია სოციალურ მედიაში გამოსაყენებლად (HubSpot State of Video Marketing Report, 2023).
- მარკეტოლოგების 32% აცხადებს, რომ მარკეტინგული ვიდეოებიდან ტყვიების გენერირების ყველაზე ეფექტური გზაა სოციალური მედიის ვიდეო რეკლამების საიტის მთავარ გვერდზე ბმულების განთავსება (HubSpot State of Video Marketing Report, 2023).
- მარკეტოლოგები აცხადებენ, რომ ვიდეოების გაზიარების საუკეთესო სოციალური მედიის პლატფორმა არის YouTube (70%), შემდეგ მოდის Instagram (60%) და TikTok (35%) (HubSpot State of Video Marketing Report, 2023).
- მარკეტოლოგების 67% ამბობს, რომ სოციალური ვიდეოების გაზიარებას ისეთ პლატფორმებზე, როგორიცაა YouTube, Instagram ან TikTok, აქვს ყველაზე დიდი ROI ნებისმიერი მარკეტინგული სტრატეგიიდან (HubSpot State of Video Marketing Report, 2023). (წყარო: https://www.hubspot.com/marketing-statistics)
უფრო ვრცლად და დეტალურად ვიდეო მარკეტინგის საჭიროებების შესახებ იხილეთ >>> ვიდეო მარკეტინგი მცირე ბიზნესისთვის
ვებსაიტი თუ ვებგვერდი - ტერმინების ეტიმოლოგია
in ვებ-დეველოპმენტი
თავდაპირველად, მნიშვნელოვანია გავარკვიოთ წარმომავლობა, რომელია სწორი ეტიმოლგიურად "საიტი" თუ "ვებსაიტი"? რომელი ფორმა უფრო სწორია და რატომ. ამისთვის მოდით გავერკვეთ საწყისებში.
ვებსაიტი, ვებგვერდი და საიტი Oxford-ის მიხედვით
Oxford-ის განმარტებათა ლექსიკონში site / საიტის შესახებ ვკითხულობთ რომ ის არსებითი სახელია რომელიც თავისი არსებობით სათავეს იღებს გვიანი შუა საუკუნეების ინგლისიდან. ლათინური Situs -ლოკალურ პოზიციებს ნიშნავს და სამხედრო ტერმინოლოგიის ნაწილი უნდა ყოფილიყო XVI -ის ბოლოდან ეს სიტყვა. დღევანდელ ინგლისურშიც site მეტწილად ფიზიკურ ‘’ადგილს’’ აღნიშნავს.
a place where a building, town, etc. was, is or will be located
the site of a sixteenth-century abbey
The government has announced the proposed site for the airport.
A site has been chosen for the new school.
on a site Nothing can be built on this site.
on site All the materials are on site so that work can start immediately.
at a site The factory will be built at a site to the north of the city.
იგივე Oxford -ის ლექსიკონში website / ვებსაიტის შესახებ ვკითხულობთ რომ ისიც ანალოგიურად არსებით სახელს წარმოადგენს და აღნიშნავს კონკრეტული კომპანიის, ორგანიზაციისა თუ სულაც ინდივიდის შესახებ ინტერნეტში არსებული გვერდების ერთობლიობას სადაც წარმოდგენილია ინფორმაცია მათ შესახებ.
A set of pages on the internet, where a company or an organization, or an individual person, puts information.
საიტი და ქართული ვიკიპედია
ქართულ ვიკიპედიაზე საიტის განმარტება ასეთია :
საიტი — ვებგვერდების, სურათების, ვიდეოების და ა. შ. ერთობლიობა, რომელიც ატვირთული არის ერთ ან რამდენიმე სერვერზე და რომელიც, ჩვეულებრივ, ხელმისაწვდომია ინტერნეტით, ტელეფონით. HTTP/HTTPS პროტოკოლის საშუალებით.
ხოლო ვებსაიტის შესახებ, საქართველოს პარლამენტის ბიბლიოთეკის სამოქალაქო განათლების ლექსიკონში წერია რომ ის -‘’ ვებგვერდების ერთობლიობა’’ -ს წარმოადგენს.
აქედან შეიძლება დავასკვნათ რომ მართებულია ვებსაიტი და არა საიტი, მაგრამ ქართულ ენაში, ენის დაცვის მიზნით ხშირად იყენებენ სიტყვა ვებგვერდსაც.
მოდით გავარკვიოთ რას წარმოადგენს ვებგვერდი ქართული ვიკიპედიის მიხედვით:
ვებგვერდი — საიტის შემადგენელი ნაწილი. იგი წარმოადგენს ინფორმაციის წყაროს და შეიცავს ჰიპერტექსტებს, რომელთა საშუალებითაც ხდება სხვადასხვა დოკუმენტის მოძიება და კავშირი.[1] ყველაზე ხშირად საიტი დაწერილია HTML ან XHTML ვებ პროგრამირების ენაზე და ხელმისაწვდომია ვებბრაუზერის საშუალებით.
ვებგვერდზე შესაძლებელია განთავსებული იყოს სხვადასხვა სახის ინფორმაცია: ტექსტი, სურათები, ვიდეოები, მედია ფაილები და ა.შ. ასევე სხვადასხვა სახის სკრიპტები (ჯავასკრიპტი, VB სკრიპტი და ა.შ). როგორც წესი, ვებგვერდზე ასევე განთავსებული სხვა ვებგვერდების მისამართები (ბმულები).
საქართველოს პარლამენტის ეროვნული ბიბლიოთეკის სასკოლო ორთოგრაფიული ლექსიკონის მიხედვით კი ვებგვერდი -‘’ ქსელური გვერდი’’-ა.
ქართულ ენაზე არსებული ინფორმაციითაც შეგვიძლია დავასკვნათ რომ ვებგვერდი ვებსაიტს არ ნიშნავს, ის ვებსაიტის მხოლოდ ერთი გვერდის სახელწოდებად შეიძლება გამოვიყენოთ, ვებსაიტი ვებგვერდების ერთობლიობას წარმოადგენს.
მაშასადამე სწორია- ვებსაიტი და არა საიტი, ვებსაიტი და არა ვებგვერდი, თუმცა ვებგვერდი შეგვიძლია გამოვიყენოთ მაგრამ ვებსაიტის მხოლოდ ერთი გვერდის სახელწოდებად.
საიტის შექმნა თუ საიტის დამზადება?
მას შემდეგ რაც გავარკვიეთ რომ ვებსაიტი და არა საიტი, უნა გავარკვიოთ რომელი ფორმაა სწორი- ვებსაიტის შექმნა თუ ვებსაიტის დამზადება?
საქართველოს პარლამენტის ეროვნული ბიბლიოთეკის ძველი ქართული ენის შეერთებულ ლექსიკონში შექმნა განმარტებულია როგორც :
ქმნა, გაკეთება, დამტკიცება, და მზადება, შეთხზვა; „აღზელა“; გახდომა (ი. ა.) დაარსება, წარმოქმნა, გადაქცევა, დაწყება.
მარტივად რომ ვთქვათ - ღმერთმა სამყარო 7 დღეში შექმნა, შემდეგ დაისვენა და ვებსაიტის დამზადება ვებ დეველოპერებს მიანდო!
ხელოვნური ინტელექტით მალე რეკლამებს „გადაიღებთ“ - ვიდეო რევოლუცია სახელად Sora / სორა
in AI (ხელოვნური ინტელექტი)
Sora / სორა - ეს კიდევ ერთი რევოლუციური პროდუქტია OpenAI-ისგან, რომლის შესახებაც ინფორმაცია 2024 წლის 15 თებერვალს ოფიციალურად გამოქვეყნდა. Sora წარმოადგენს ხელოვნური ინტელექტის დიფუზურ მოდელს რომელიც ქმნის რეალისტურ, შემოქმედებით სცენებს ტექსტური ინსტრუქციის ანუ პრომპტების საშუალებით.
მარტივად რომ ვთქვათ, სორა არის Text-to-Video კრეატორი, რომელსაც შეძლებთ მიწეროთ როგორი ვიდეოს შექმნა გსურთ, ის კი რამდეინიმე წუთში თქვენ ფანტაზიას ვიდეოდ გარდასახავს. მაგარია არა 😎!? ალბათ ახლა უმრავი კითხვა გაქვთ, ვეცდებით ზოგიერთ მათგანს ვუპასუხოთ წინამდებერე ბლოგში, მანამდე კი დატკბით ხელოვნური ინტელექტის მიერ შექმნილი რამდენიმე ნიმუშით, რომელიც წარმოდგენელია OpenAI-ის ოფიციალური პრეზენტაციიდან.
Prompt: A stylish woman walks down a Tokyo street filled with warm glowing neon and animated city signage. She wears a black leather jacket, a long red dress, and black boots, and carries a black purse. She wears sunglasses and red lipstick. She walks confidently and casually. The street is damp and reflective, creating a mirror effect of the colorful lights. Many pedestrians walk about.
Prompt: Photorealistic closeup video of two pirate ships battling each other as they sail inside a cup of coffee.
Prompt: A young man at his 20s is sitting on a piece of cloud in the sky, reading a book.
რა შეუძლია OpenAI-ის ვიდეო კრეატორ ხელოვნურ ინტელექტს, - სორას (Sora)?
გარდა იმისა, რომ სორას შეუძლია ვიდეოს გენერირება მხოლოდ ტექსტური ინსტრუქციებიდან ასევე შეუძლია "გადაიღოს ვიდეო" თქვენ მიერ ატვირთული ჩვეულებრივი სურათიდან და შექმნას მისგან 1 წუთამდე ვიდეო. გასაცორია ის ფაქტიც, რომ თქვენი სურათის მიხედვით შექმნილ ვიდეოში, ხელოვნური ინტელექტი "ხვდება" სურათზე გამოსახული ობიექტის არსს და მის მცირე დეტალებსაც კი ითვალისწინებს.
Sora-ს ვიდეოების შექმნისას "იაზრებს" ადამიანების ბაზისურ ემოციებსაც კი, რასაც რეალისტურ და საუცხოო შედეგამდე მივყავართ. სორას ასევე შეუძლია დაამუშაოს თქვენ მიერ მიწოდებული ვიდეო და გააუმჯობესოს ის, ან შეავსოს დაკარგული კადრები, რამაც შესაძლოა დამატებით დრო და ფინანსური რესურსი დაგვიზოგოს.
რა არ შეუძლია სორას?
ამ მომენტისთვის (21/02/2024) Sora-ს აქვს გარკვეული სისუსტეები. ის კარგად ვერ აღიქვამს კომპლექსურ და ინტერაქციულ სცენებს, მაგალითად:
ბავშვმა ჩაკბიჩა შოკოლადი, მაგრამ მომდევნო კადრში შოკოლადი კვლავ მთლიანი ჩანს.
ბურთის ხტუნაობის ტრაექტორია, დავუშვათ ის ხვდება კედელს და შემდეგ ადამიანს, ბუნებრივია უკუქმედება ბურთზე მნიშვნელოვანად განსხვავებული იქნება, თუმცა ჩვენი ხელოვნური ინტელექტი ჯერ-ჯეროებით მხოლოდ სწავლობს მე-6 კლასის ფიზიკის (მექანიკის) კანონებს.
როგორ გამოვიყენო Sora?
ჯერ-ჯერობით სორა საჯაროდ არ არის ხელმისაწვდომი. თუმცა, OpenAI-მ გამოაქვეყნა ნიმუშები და უზრუნველყო წვდომა Red teamer-ებსა და შერჩეულ კონტენტ კრეატორებთან. ჩვენც მოუთმენლად ველოდებით Sora-ს გატესტვას და მის პრაქტიკაში გამოყენებას, თვალი ადევნეთ ჩვენ ბლოგს და აუცლიებლად გამცნობთ ამის შესახებ, ასევე პრაქტიკულ, სასარგებლო რჩევებსაც გაგიზიარებთ.
რა ეღირება Sora-ს მომსახურება?
რთული სათქმალია, რადგან ჯერ-ჯერობით მის შესახებ ოფიციალური ინფორმაცია არ არსებობს. თუმცა ცნობლია, რომ ის ეფუძნება OpenAI GPT4-ს და DALL·E 3 -ს. Sora შესრულებულ საქმეს ნაცვლად ტოკენებისა (Token) დაითვლის Patche -ებით, ეს არის ვიდეოებში წარმოდგენილი გამოსახაულების უმცირესი ერთეული, რომელსაც OpenAI ითვლის. ის თავისი არსით ძალიან ჰგავს Token-ებს.
Sora იყენებს DALL·E 3 -ის მიდგომებს, ამიტომ მოდით ვცადოთ დავთვალოთ რა გამოვა ამ შემთხვევაში გენერირებული ვიდეოს ფასი.
იმ საფასო პოლიტიკის გათვალისწინებით რაც Image model DALL·E 3-ს აქვს (იხ. სქრინშოთი), თუ გვსურს 1 წუთიანი HD ან Full HD ვიდეოს გენერაცია ამისათვის დაგვჭრიდება 1800 კადრი (60*30 ვინაიდან სტანდარტულად 1 წამიან ვიდეო 30 სურათისგან შედგება), შესაბამისად ჩვენი 1 ვიდეოს საფასური იქნება 72$ და 216$-ს შორის (1800*0,04 და 1800*0,12).
როგორც ვხედავთ ასეთი დათვლით ვიდეოს გენერაციის ფასი ისეთ მაღალ ნიშნულს აღწევს რაც ამ სერვისის მასიური გაყიდვას შეუძლებელს ხდის. წარმოდგენისთვის, მისი კონკურეტები (RunwayML, Lumen5, Synthesia) რომლებიც უკვე გვთავაზობენ მსგავს სერვისებს (მართალია საგრძნობლად დაბალ ხარისხს, იხ. ვიდეო) მათი ფასები 1 წუთიანი 1 ვიდეოსთვის რამდენიმე დოლარიდან 20$-მდე მერყეობს.
Credit by: synthesia.io
სავარაუდოა, რომ ერთჯერადი გადახდის (Pay-per-use) სისტემასთან ერთად აუცილებლად შემოგვთავაზებს Subscription-based გადახდის მოდელსაც (ისევე როგორც ამას GPT4-ისთვის იყენებს).
რას შეცვლის სორა? რა შეიძლება იყოს მისი პოტენციური გავლენა?
Sora / სორას აქვს პოტენციალი მოახდინოს რევოლუცია სხვადასხვა შემოქმედებით სფეროებში, მათ შორის კინოს, ანიმაციის, რეკლამისა და ვიდეო თამაშების განვითარებაში.
სორას შეუძლია ვიდეოს შექმნის პროცესის სუპერგამარტივება, რაც მინიმალური ტექნიკური გამოცდილების მქონე პირებს საშუალებას მისცემთ განახორციელონ თავიანთი იდეები საკუთარ სამუშაო მაგიდებთან და კომპიუტერებთან მჯდომებმა.
თუმცა, უნდა აღინიშნოს რომ ამ ტექნოლოგიის ეთიკურობასთან დაკავშირებით არსებობს ნეგატიური მოლოდინები და შფოთვის მიზეზებიც რადგან Deepfake -ის შექმნა და დეზინფორმაციის გავრცელება კიდევ უფრო გამარტივდება.
როგორც OpenAI გვეუბნება, Sora უყრის საფუძველს ისეთ მოდელებს, რომლებსაც შეუძლიათ რეალური სამყაროს გაგება და სიმულაცია, მათ სჯერათ, რომ სორა მნიშვნელოვანი ეტაპი იქნება AGI -ს მისაღწევად.
სასარგებლო ბმულები:
OpenAI -ის ვებსაიტი: openai.com აქ შეგიძლიათ იხილოთ სხვა ოფიციალური ვიდეო ილუსტრაციები
YouTube demos of Sora: youtube.com
თუ თქვენ გაინტერესებთ მეტი, ხელოვნური ინტელექტის შესხებ გაეცანით სტატიას